Örnek
Tevânın delili, 'Müslümanın malı üzerinde tevâ olmaz.' meâlindeki bir hadîse dayanmaktadır. 'Mes’ele: Zeyd, Amr’da olan akçe deyni Bekr’e deynine havâle eyleyib Amr ve Bekr kabûl eylediklerinden sonra, Bekr 'Amr’dan almadım' deyü yine Zeyd’den talebe kâdir olur mu? El-cevâb: Olmaz, havâle tamâm oldukdan sonra Zeyd deynden berî olur. Bekr Zeyd’e rücû’ edemez, illâ hükm-ü tevâ mukarrer ve mütehakkık ola tevâ muhtâlün-aleyhin müflisen mevti yâhud havâleyi münkir olub beyyine olmayıb yemîni ile olur İmâmeyn katında hayâtında kadı iflâsına hükm etmekle de olur.
Bu suretde Zeyd, Bekr’den ol üç bin akçeyi almadan Bekr müflisen fevt olsa, Zeyd Amr’a rücû’ edib Amr’dan ol üç bin akçeyi almağa kâdir olur mu? El-cevâb: Gerçi havâle tamâm olmakla muhîl deynden berî olur, amma iflâsı zâhir olub fevt olmağla tevâ mukarrer olub Zeyd Amr’a rücû’ edib akçesin alır., Mehmed Rıza, Fetâvâ-yı Rıza, İÜMK NEK, No: 1371, t.y., v. 149a-149b
Kaynak Pîr Mehmed Üskübî, Fetâvâ-yı Kör Müfti, AÜİF NEK, No: 1269814, 1056, v. 116a-116b
